Nesta primera entrá del blog, creí conveniente falar un poco del porque faigo to esto y un poco d’onde vien el nome que veis equí arriba.

La Historia del nome

Pa to aquél me conozca un poco, sabrá, de xuru, que el Señor de lo Aniellos y to lo que xira al so alrededor prestame asgaya. Ya dende bien guah.e me prestaba to esi mundiu que’l Profesor Tolkien inventó. Y gracies a ello abriome to un abanicu d’ociu diferente, ociu alternativu. Ni meyor ni peor, diferente. Nun vos voy tampoco negar que me afayaba tamien xugar a la consola y al ordenador, negalo sería mentir, pero con ello tampoco tenia murnia d’ello.

Warhammer, xuegos de mesa, xuegos de rol, comics… Dende los 14 o 15 años llevo nesta afición. Y agora, aunque con menos tiempu pa ello, sigue afayandome como cuando yera rapaz.

El que me conoz, tamien sabrá que soy un fiel defensor de la fala, l’Asturianu. Y que la defienda e intente usala nun me convierte nun expertu, na mas lloñe de la realidá. Pero si quiero que la llingua de mi güelu y mi güela se caltenga, que esa cultura nun se pierda, porque como los xuegos son cultura, la llingua tamien. Cultura sana, popular y arraigá, por muncho que quieran dicir lo contrario. Solo vos pido, por favor, que nun tomeis esta parrafá como un alegatu politicu, esto va mas alla d’eso. Tamos falando de cultura d’un pueblu y, a mi modo de ver, sedria una catastrofe que se perdiese.

Bueno, sigo, que me llio y nun termino de falavos de lo que va to esto. Pues amestando lo enriba puesto sal el nome. La Montera Solitaria, montera picona y Montaña Solitaria (xugando col doble sentíu de xugar más en solitario que con mas xente, pero tamos trabayando en esi aspeuto 😛 ). Y escritu n’Asturianu pues pa poner el mi granucu de sable pa que to esta cultura tan bona y guapa nun se pierda. Y si estes pallabres que voy soltar equi falando de algo que me presta, valen pa que se llea mas n’asturianu y emburrie un poco por L’Oficialidad… Tiempo bien invertiu. Porque si collacios … Oxalá cuando lleais esto ya lo seya, pero a fecha de escribir esto nun lo ye, y ye una pena…

¡Ya fino, nun me llameis pesau!

Na más… Espero que lo que aquí lleais os preste tanto como a mi escribilo, que me teneis pa lo que querais y que cualquier suxerencia, entruga o crítica sedrá bien recibia…. Si quereis saber un poco más lo que vais lleer, podeis dir equi ¡A xugar muncho!