Algo paecío al parte, pero pa los xuegos de mesa y rol. Vamos falar de les noticies de la selmana 19 (pues atopar les de la selmana anterior equí) del añu 2022
El día qu’espublizo esta entra, 6 de mayu de 2022, ye’l Día de les Lletres Asturianes, polo que voi tomame la llicencia d’escribir solo n’Asturianu. ¡Vamos con ello!
Whistle Mountain
Ficha:
- Xugadores: 2-4
- Duración: 90 min
- Edá: +14 años
- Editorial que lu saca: Maldito Games
- Fecha Llanzamientu: 12 de mayo
- Preciu: 60 €
- Ficha na BGG
Trunfasti nel negociu del ferrocarril nel Gran Oeste Americanu, pero solo foi l’entamu. Agora tíes qu’invertir los beneficios n’otres empreses. Adientrate nes Montañes Rocoses pa coyer los recursos necesarios pa llevar la victoria. Un nuevu xuegu de colocación de trabayadores.
Fjords
Ficha:
- Xugadores: 2-4
- Duración: 30-45 min
- Edá: +8 años
- Editorial que lu saca: SD Games
- Fecha Llanzamientu: 13 de mayo
- Preciu: 45 €
- Ficha na BGG
Esplora les tierres báltiques como si fueras un viquingu. Un xuegu de colocación de llosetes nel pa llueu reclamar los terrenos.Coloca bien y planifica con tiempu pa ser el ganador.
Port Royal Big Box
Ficha:
- Xugadores: 2-4
- Duración: 20-40 min
- Edá: +8 años
- Editorial que lu saca: TCG Factory
- Fecha Llanzamientu: 13 de mayo
- Preciu: 25 €
- Ficha na BGG
TCG Facgtory vuelve a espublizar esti clásicu de los xuegos de mesa modernos. Un xuegu de cartes de temática pirata con mecániques de push your luck (Forzar la suerte) y facer colecciones. Amás, bien con arte renováu y 3 espansiones.
Aventureros al Tren: India y Suiza
Ficha:
- Xugadores: 2-4
- Duración: 30-60 min
- Edá: +8 años
- Editorial que lu saca: Days of Wonder
- Fecha Llanzamientu: 13 de mayo
- Preciu: 33 €
- Ficha na BGG
Nueva espansión del ya clásicu Aventureros Al Tren, nesti casu dos mapas nuevos pa xugar en Suiza y na India.
Noticies de la selmana
Vamos con unes noticies de rol, nesti casu de la mano de Holocubierta, qu’anuncia el nuevu y últimu suplementu pal su xuego Omertá, xuegu ambientáu nos años 20 con temática mafiosa. El suplementu va nomase La Familia se reúne. Sedrá un compendiu de 8 aventures de diferentes autores.
Ya n’inglés tenemos pa los fans de les películes de Blade Runner el su xuegu de rol, nesti casu vien como una campaña de Kickstarter. El xuegu ta más que fundáu, a les altures qu’escribo esto lleva más d’un millón de dólares recaudaos. Equí vos dexo l’enllaz. Sacalu la editorial Free League que tamien ta a cargu d’otros títulos como Vaesen y El Aniellu Únicu.
Ya en xuegos de mesa, salió estos díis la noticia de que se va reeditar el clásicu xuegu económicu, de la mano de Maldito Games, Age of Steam. El títulu ye de Martín Wallace autor d’otros esitos como Brass.
Que m’entra pol güeyu de les noticies/novedaes
Nesta semana posiblemente lo que más m’entre pol güeyu sea la Big Box de Port Royal, siguío de la espansión d’Aventureros al Tren. Del últimu tengo’l xuegu base, xugué bastantes partíes (a ver si m’animo a escribir el Falando De) pero tovía no considere que lu tengo «quemau». No obstante pue ser un bon cambiu pa sacalu a mesa. Y Port Royal, pa probar esi fuerza la suerte a ver que tal va.
El restu de novedaes nun ye que me disgusten ni munchu menos, pero ye que nun tengo mucha información d’ellos, como siempre to sedrá xugalos y cambiar d’opinión.
Finando les noticies de la selmana 19
Y na más por esta selmana, esto foi to lo más interesante que tope poles redes. De xuru hai munches mas novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama dalguna de les novedaes! Munches gracies por lleer!
Fontes pa la información e imaxenes