Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 34 del 2023 (puedes atopar l’anterior equí)
La Clave Perdida
Ficha:
- Xugadores: 2-4
- Duración: 60 min
- Edá: +10 años
- Editorial: Maldito Games
- Fecha: 24 d’agostu
- Preciu: 30€.
- Ficha BGG
Pa salir del templu del sol tendrás que deducir un enigma numbéricu. Esto ye lo que nos plantega La Clave Perdida, un xuegu de deducción ambientáu nes cultures americanes.
Marrakech
Ficha:
- Xugadores: 2-4
- Duración: 20 min
- Edá: +8 años
- Editorial: Maldito Games
- Fecha: 24 d’agostu
- Preciu: 35€.
- Ficha BGG
Nel Zoco siempre hai que tar soyerte pa convertise nel metor vendedor d’alfombres. Un xuegu de puzzles, paecíu a Patchwork na estética, pero con un solu tableru. Sé’l que más perres y alfombres a la vista tien pa ganar la partía.
Evor
Ficha:
- Xugadores: 1
- Duración: 15 min
- Edá: +8 años
- Editorial: Salt & Pepper Games
- Fecha: 24 d’agostu
- Preciu: 15€.
- Ficha BGG
Nuevu xuegu en formatu cartera nel que sedremos esploradores espaciales. Completa les misiones resolviendo los patrones colos aparatos que dispones. Pa ganar, necesites completar 7 misiones.
Battlecrest
Ficha:
- Xugadores: 1-2
- Duración: 20 min
- Edá: +10 años
- Editorial: Salt & Pepper Games
- Fecha: 24 d’agostu
- Preciu: 15€.
- Ficha BGG
Y los xuegos de cartera vienen de dos en dos, nesti casu Battlecrest ye un xuegu d’estratexa y enfrentamientu que pues xugar en solitariu o con otru xugador. Contien la espansión emperador pa xugar en solitariu y los Sets d’Héroe Forge y Whispyr
Revive
Ficha:
- Xugadores: 1-4
- Duración: 90 min
- Edá: +14 años
- Editorial: Devir
- Fecha: Esta semana
- Preciu: 80€.
- Ficha BGG
Un de los grandes trunfadores de la feria d’Essen del añu pasáu ve la lluz por fin en castellán. En Revivie tomaremos los mandos d’una tribu dempués de que la Tierra sufriere un colapsu fai 5000 años. El pueblu tien que volver a facer florecer esi yermu xeláu, recosntruyendo’l mundiu según los tos propios ideales. Un xuegu que xunta munches mecániques como la colocación de llosetes, colocación e trabayadores…
Rol
Vamos coles novedaes en xuegos de rol. Nesti casu traemos dos de la editorial Shadowlands. El primeru ye Fear Itself , un xuegu que-y da una vuelta de tuerca más al famosu sistema de xuegos d’investigación, Gumshoe. En pallabres del pripiu autor, ye’l mesmu sistema Gumshoe de siempre, y el de nunca. El llibru tra-y la descripción del sistema base, polo que nun necesites nengún llibru más pa xugar.Amás de nueves criatures y misterios, que pues xuntar con dalgunes que ya esisten en Esoterroristas. El preciu de salida que de 40€ y esperase que t’en tiendes el día 25.
Y xunto a esti tenemos Wamatse, una campaña adauta por Sirio Sesenra pal sistema de Fear Itself (Gumshoe). Una de les aventures más xugaes n’Internet agora tamién la podéis xugar con esti sistema que según l’editorial va-y como aniellu al deu. El preciu de salida ye de 35€ y la fecha de llanzamientu’l día 25 d’agostu.
Noticies de xuegos de mesa y rol de la selmana 34 de 2023
Vamos coles noticies de xuegos de mesa y rol. Entamamos cola próxima apertura d’una campaña de mecenazgu del primer xuegu d’autor n’asturianu (nun se si tamién esistirá en castellán). Vien de la mano d’Acuto Xuegos y l’autor ye Pablo M. Testa. Tratase de Guerra de la Xoya. Un nuevu xuegu de cartes que sedrá’l primeru d’un universu por venir. Nun se munchu más del xuegu, tengo interés y buscaré pa enterame, pero sé que l’autor lleva tiempu col desendolcu y testeo. Una gran noticia que salgan xuegos d’esti tipu n’asturianu. Tenéis l’enllaz pa siguir la campaña y que vos avise cuando entame.
Otra campaña en ciernes ye la d’Assasins Creed Roleplaying Game. La famosa saga de videoxuegos d’Ubisoft (qu’a mi personalmente prestame abondu) va tener el so xuegu de rol de la mano de CMON. Saldrá de primeres solo n’inglés. Anque pondría la mano nel fueu de que terminará saliendo tamién en castellán. El Kickcstarter entama’l día 5 de setiembre, pero ya podéi echar un güeyu (yo fadrelo) a la guía d’anicio rápidu que presenta’l sistema y dalgún personaxe prexeneráu. Sedrá d’aniciu rápidu pero tien más de 10 páxines, polo que teníes pa lleer bastante.
Y ya pafinar, por parte de Shadowlands, tenemos l’apertura de la preventa de dos nuevos suplementos d’aventures pa El Rastro de Chtulhu, paez la selmana del Gumshoe 😛 . Tratase d’Asombrosos relatos detectivescos y arcanos y Más Allá del tiempo . Ambos llibros al preciu de 38€, podéis facer la preventa a partir del día 25 d’esti mes.
Que m’entra pol güeyu de les noticies/novedaes de xuegos de mesa / rol la selmana 34 de 2023
Vamos colo que m’entra pol güeyu esta selmana. Adelantovos que de rol, d’entamu, nun llama na especialmente l’atención. Asina que vos diré dos xuegos de mesa. El primeru ye Revive de Devir. Sin coñuecer munchu del xuegu, recuerdame pola temática (salvando les distancies) a Horizon Zero Dawn. Estéticamente nunse paecen en na polo que pudi ver pero si nel tema. Llamame l’atención, y paez que la caxa vien carga de componentes, d’ehí el preciu. Prestariame prebalu.
L’otru de los xuegos ye BattleCrest de Salt&Pepper Games (anque podría facese extensible al EVOR). Prestame abondu’l formatu de carterines portables que pues xugar en cualquier llau. Y la temática tamién me llama, las dos de fechu. Asina que pudieren ser xuegos qu’entrasen en casa perfeutamente.
Finando les noticies de xuegos de mesa de la selmana 34 del 2023
Y na más pa les noticies de la selmana 34 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención.
Fontes pa la información y semeyes: