Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 37 del 2024 (puedes atopar l’anterior equí)
Autobahn
Ficha:
- Xugadores: 1-4
- Duración: 90-120 min
- Edá: +14 años
- Editorial: Maldito Games
- Fecha: 12 de Setiembre
- Precio:50 €
- Ficha BGG
N’Autobahn vamos construyir y ameyorar la rede d’autopistes d’Alemaña. Un eurogame de corte económicu nel que competiremos col restu xugadores, medraremos y xestionaremos la rede carreteres, de gasolineres, etc pa intentar ganar una posición de privilexu nel Bundesautobahn
Sunrise Sunset
Ficha:
- Xugadores: 2
- Duración: 20 min
- Edá: +14 años
- Editorial: Perro Loko Games
- Fecha: 13 de Setiembre
- Precio:15 €
- Ficha BGG
Sunrise Sunset ye un xuegu de cartes esclusivu pa dos persones qu’encarnarán la llucha entre Seth y Horus en tres ubicaciones. Diremos colocando cartes nes ubicaciones hasta qu’esistan dos en ca llau, momentu que se resolverá’l combate. Amás, ca carta tien poderes y habilidaes que faen al xuegu bastante estratéxicu.
Koinobori
Ficha:
- Xugadores: 2-5
- Duración: 30 min
- Edá: +8 años
- Editorial: Perro Loko Games
- Fecha: 13 de Setiembre
- Precio:15 €
- Ficha BGG
Otru xuegu de cartes de Perro Loko, esta vegada pa un públicu más peque. En Koinobori xugaremos cartes nos mástiles del festival y nos nuesos (de forma oculta) resolviendo mecániques d’apuestes y mayories, de cencielles de deprender pero con profundidá a l’hora de xugar.
Jekyl y Hyde vs Scotland Yard
Ficha:
- Xugadores: 2
- Duración: 20 min
- Edá: +10 años
- Editorial: Arrakis Games
- Fecha: 12 de Setiembre
- Precio:23 €
- Ficha BGG
Xuegu cooperativu qu’a lo llargo de capítulos, caún coles sos regles, vamos dir manteniendo la dualidad de la personalidá del doctor n’equilibriu intentando dir por delantre de la Scotland Yard. To ello vamos facelo por medio de bazes como lo facia’l so predecesor.
Arkham Horror LCG: La Conspiración de Insmouth Exp. Investigadores.
Ficha:
- Xugadores: 1-4
- Duración: 30-120 min
- Edá: +14 años
- Editorial: Fantasy Flight Games
- Fecha: 13 de Setiembre
- Precio:45 €
Nueva redición d’un ciclu d’Arkham Horror LCG nel nuevo formatu, nesti casu ye’l ciclu de La Conspiración de Insmouth coles sos cartes d’investigador. Pa la campaña hai qu’esperar un pocu más.
Rol
Vamos cola novedá de rol, nesti casu de Devir que nos trai’l primero de los manuales remastered de Pathfinder 2ª edicion, El Manual de Juego Remastered. Nun toi mui puestu en Pathfinder, pero polo que pudi lleer nun son cambios grandes, la mayoría ye p’ameyorar l’entendimientu y coses estétiques, polo que ye compatible cola 2ª edición habitual del xuegu. La fecha de venta ye’l 13 al preciu de 50€, como vien siendo habitual na llinia.
Que m’entra pol güeyu de les novedaes de xuegos de mesa / rol la selmana 37 de 2024
Vamos colo que más me llama l’atención de les novedaes d’esta selmana, que ya se nota que nos acercamos a ochobre y la feria d’Essen con tolo que supón. Güei voi remarcar delles coses, la primera ye Autohabn de Maldito Games, nun se porque me llama l’atención, pero pa mi tien bona estética, xuegu económicu… Bona pinta. Tamién Koinobori de Perro Loko Games, paezme perguapo y como xuegu llixeru tien pintaza. La espansión d’Investigadores de La Conspiración de Insmouth, material pal xuegu siempre ta bono, y ye verdá que tengo como debe l’esplotalu munchu más.
Y nun escaezo’l rol, El manual de Jugador Remastered de Pathfinder 2ª ed de Devir paez una forma perfecha d’entrar al xuegu. Nos mundios de Pathfinder solo coñuezo por Savage Worlds, quiciabes ye interesante ver el padre de la criatura 🙂
Finando les noticies de xuegos de mesa de la selmana 37 del 2024
Y na más pa les noticies de la selmana 37 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo dalguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: