Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 40 del 2024 (puedes atopar l’anterior equí)
El valle de los molinos
Ficha:
- Xugadores: 1-4
- Duración: 45-90 min
- Edá: +14 años
- Editorial: Maldito Games
- Fecha: 3 d’Ochobre
- Precio:60 €
- Ficha BGG
Nel valle de los molinos tomaremos el papel d’agricultores y empresarios de tulipanes. Meyora les infraestructures, merca bones semilla pa plante y xestiona los ayudantes y contratos. Un xuegu con pinta d’económicu y d’aspeutu coloríu.
Men Nefer
Ficha:
- Xugadores: 1-4
- Duración: 60-120 min
- Edá: +14 años
- Editorial: Ludonova
- Fecha: 4 d’Ochobre
- Precio:60 €
- Ficha BGG
Torna al esplendor del antigüu Exipto y a una de les sos ciudaes más prosperes, Men Nefer. Adientrate nes tarees propies de la época, como embalsamar muertos o mercadiar pol Nilo, sin escaecer que lo que faigas nel mundiu terrenal sedrá xulgáo por Osiris pa concedete la entrá al campu d’Aaru. Un eurogame d’autoría española con, ente otres, mecániques de draft, set collection y colocación de trabayadores.
El Señor de los Anillos : Duelo por la Tierra Media
Ficha:
- Xugadores: 2
- Duración: 30 min
- Edá: +10 años
- Editorial: Repos Production
- Fecha: 4 d’Ochobre
- Precio:30 €
- Ficha BGG
Tamos ante’l 7 Wonders Duel pero col tema del Señor de los Aniellos. A groso modo ye un bon resumen del xuegu nel que como nel orixe la mecánica princial ye’l Set Collection. Pero… To visitío col Señor de los Aniellos tien meyor pinta :P. Lo que nun tien tan bona pinta ye los 3/4 € que cuesta más.
El Señor de los Anillos LCG : Expansión de Saga de El Retorno del Rey
Ficha:
- Xugadores: 1-4
- Duración: 30-120 min
- Edá: +10 años
- Editorial: Fantasy Flight Games
- Fecha: 4 d’Ochobre
- Precio:70 €
La ¿cabera? Espansión pal que pa mi ye’l meyor xuegu qu’esiste, El Señor de los Anillos LCG. Nesti casu recorremos los fechos acaecíos nel caberu de los llibros de la triloxía. Esta caxa contien tol material incluíu nes dos espansiones de Saga antigües. Llistu pa llievar l’aniellu pa los fuegos del Monte del Destinu?
Rol
Toca agora falar de les novedaes de rol, qu’esta selmana tenemos 3. Entamamos por Ex Regnun, que nos trai un manual básicu y una espansión. Falamos de Shinobi: Tierras Ocultas y su espansión Shinobi : Pergamino de Relatos. El preciu de venta ye de 25 y 20 € respeutivamente y salen pa mercar el día 4. Basáu nel sistema REND10, ambientase nuna especie de Xapón Feudal onde tres d’un debacle políticu y les fuercies del mal, en forma de Yokai, asolen el mundiu. L’espansión contien delles aventures.
Y pa finar tenemos una novedá de HT Publishers y su llinia Pathfinder Salvaje. Tratase del primer llibru d’una nueva senda d’aventures, La Maldición del Trono Carmesí. Al borde de la anarquía llevanos a les tierres de Korvosa nel aniciu d’una nueva y trepíante aventura. El preciu ye de 25€ y sal el día 4.
Que m’entra pol güeyu de les novedaes de xuegos de mesa / rol la selmana 40 de 2024
Vamos colo que más me llama l’atención nesta selmana 40. Y vamos direutos, asina en caliente… Sipongo que naide sorprenderase de qu’escueya la Expansion de Saga para el Señor de los Anillos LCG, ye la cabera y nun la tenía… Nun se pa cuando pero acabará equí col restu la colección. Camentar, tamién, El Valle de los Molinos de Maldito Games y El Señor de los Anillos : Duelo por la Tierra Media… Si lleístis les primeres impresiones de 7 Wonders Duel, veréis que me dexó fríu.. Pero cola vestimenta adecua… 😛
Y en rol, pos l’aniciu de Senda d’aventura pa Pathfinder Salvaje de HT Publishers, Al borde de la anarquia. El formatu, y lo lleio hasta la fecha prestame, esto tamién tien bona pinta.
Finando les noticies de xuegos de mesa de la selmana 40 del 2024
Y na más pa les noticies de la selmana 40 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo dalguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: