Algo paecio al parte, pero pa los xuegos de mesa y rol. Vamos falar de les noticies de xuegos de mesa de la selmana 22 del 2023 (puedes atopar l’anterior equí)
Knockdown Nemesis/Tainted Grail 1/ Tainted Grail 2
Ficha:
- Xugadores: 2
- Duración: 15-30 min
- Edá: +8 años
- Editorial: Maldito Games
- Fecha: 1 de xunu
- Preciu: 20€ caun.
- Ficha BGG
Knockdown ye un nuevu xuegu d’escaramuces pa os xugadores qu’enfrentaremos a les diferentes criatures/personaxes de les franquicies d’Awaken Realms. Si vos digo la verdá, nun tengo muncha idea de como se xugará, paez que dirán sacando más packs. Al paecer usamos cartes y dados pa enfrentanos al contrariu.
Star Wars Shatterpoint + Extras
Ficha:
- Xugadores: 2
- Duración: 90 min
- Edá: +14 años
- Editorial: Atomic Mass Games
- Fecha: 2 de xunu
- Preciu: 165€.
- Ficha BGG
Un de los grandes llanzamientos del mes, y quiciabes del añu p’Atomic Mass. Por resumir, sedría un Marvel Crisis Protocol pero con Star Wars. Un xuegu d’escaramuces ambientáu nel universu de George Lucas. Dicir qu’hai que montar les miniatures y escenografía al estilu Warhammer. Amás, podeis mercar taién un montón d’escenografía y packs d’espansión. Si vos presta Star Wars y el montaxe/pintao de miniatures… Echa-u un güeyu.
The Guild of Merchant Explorers
Ficha:
- Xugadores: 1-4
- Duración: 45 min
- Edá: +14 años
- Editorial: Delirium Games
- Fecha: 2 de xunu
- Preciu: 45€.
- Ficha BGG
Se un valiente esplorador y esplorar’l mundiu de Tigomé. Un xuegu de “flip&write” que realmente nun s’escribe na, diremos marcando con cubitos, polo qu’entiendo sedrá mui rexugable. Según pudi lleer, ye un xuegu de construcción de patrones y rutes. Al paecer, nel mercáu européu, tuvo munchu ésitu.
El Señor de los Anillos LCG : Expansión de Héroes Cazadores de Sueños
Ficha:
- Xugadores: 1-4
- Duración: 30-120 min
- Edá: +14 años
- Editorial: Fantasy Flight Games
- Fecha: 2 de junio
- Preciu: 45€.
- Ficha BGG
Por fin lliega l’espansión d’héroes del ciclu de Cazador de Sueños pa El Señor de los Anillos LCG. Col nuevu formatu, el del Arkham Horro, nesta espansión tendremos unicamente les cartes d’héroe y dientro unes selmanes sacarán les de campaña pa xugar. Si nun entendí mal, nesta campaña deambularemos polos Puertos Grises.
Rol
Vamos coles novedaes de rol, qu’esta selmana hay delles. Y entamamos coles novedaes d’ El Refugio de Rhyope que saca dos xuegos en formatu trípticu. Son Breathles y Nomada, dos xuegos en formatu pequeñu que salen el día 2 al preciu de 9.9 € caún en formatu físicu (10.9 si quies tamién PDF). Breathles ye un xuegu de supervivencia y horror en grupu y Nomada un xuegu de superviviencia y esploración. Especial atención a esti por ser solitariu.
Toca agora la novedá de Nosolorol, que realmente salió la selmana pasá. Pidimos disculpes. Ye Umbra: La Sombra de Terciopelo un suplementu pa Hombre Lobo Apocalipsis 20 Aniversario. Entiendo qu’esti sedrá l’últimu suplementu ya qu’alcordavos que ta disponible la campaña de la 5ª edición del sistema.
Vamos cola novedá de Shadowlands Ediciones, tratase de Rojo el xuegu de rol ambintáu nes noveles de Carlos Sisi. Ta ecritu por Ricard Ibañez. El xuegu usa’l sistema Everywhere, mel qu’usaremos 2d6 más atributu más nivel. si sacamos más de 9 ficimos l’aición correutamente. Nun coñuezo l’ambientación, pero si conocéis los llibros y tenéis interés echa-y un vistazu. La fecha de salida ye’l 2 y l perciu 38€.
Y pa final vamos coles novedá d’Ediciones Radagast. La selmana pasa foi llegando a los mecenes y el vienres día 2 sal a la venta nes tiendes 1984:Thoughtcrime. El xuegu de rol oficial de la novela de George Orwell, 1984. El xuegu saldrá nos idiomes asturianu y castellán (como suel ser habitual na editorial) y trata de facete sentir lo que sentíen los personaxes na novela. La propia editorial camenta que nun ye un xuegu pa tol mundiu, pol tonu opresor d ela novela y la temática. Sicasi, si te presta la novela, deberíes d’echa-y una güeyá la xuegu de rol.
Noticies de xuegos de mesa / rol de la selmana 22 del 2023
Vamos coles notices de xuegos de mesa y rol d’esta selmana. Y falamos de la campaña qu’entama güey llunes de HT Publishers. Ye’l Círculo de Sangre, el xuegu d’escaramuces. Xuegu d’autoría española que nunca había visto la lluz na llingua de Cervantes. Como nos xuegos que sacar la editorial, pes utilizar cualquier tipu de miniatura que tengas por casa. Sicasi, pues mercar una gama de miniatures oficiales. Ye un wargame roleru, que fomenta la narratividá de les partíes, amás pues xugalu en solitariu. Dexovos l’enllaz a la campaña
Tamién por parte de HT Publishers, anunciose un nuevu proyeutu propiu. Tratase del xuegu de Rol Descenso al Infierno, que saldrá en delles llingües y ente elles ta l’asturianu. Nun tengo muncha información de feches y demás. Pero creo que l’intención ye sacalu esti añu.
En cuanto a xuegos de mesa, nun soi mui dau a siguir premios y demás pero ya salieron los nominaos al Spiel des Jahres del 2023. Quiciabes el premiu más reconocíu del mundiu de los xuegos de mesa. La verdá ye que nun debi de xugar a nengún d’esos xuegos pero dexovos la noticia pa qu’eche-is un güeyu.
Que m’entra pol güeyu de les noticies/novedaes de xuegos de mesa / rol la selmana 22 de 2023
Vamos con lo que más me llama l’atención de les novedaes de xuegos de mesa y rol d’esta selmana 22. En cuanto a xuegos de mesa, nun creo que vos sorprenderá. Si sal daque d’ El Señor de los Anillos LCG, el meyor xuegu qu’esiste :P, de Fantasy Flight Games y nun lo tengo… Esi error tien que subsanase. Va tocame dir a los Puertos Grises y resolver entuertos. Ya vos camenté nel post porque pienso eso y sigo diciendo que cualquier fan de la saga debería de prebalu.
Y en xuegos de rol, fadré un poco trampa. Diré dos. Pero ye qu’un ya lu tengo 🙂 Como ya tengo 1984:Thoughtcrime d’ Ediciones Radagast, xuegu editáu tamién n’asturianu, diré que Nomada d’ El Refugio de Rhyope llamame munchu l’atención por ver como sedría esi solitariu. Amás, el preciu ye mui asequible.
Finando les noticies de xuegos de mesa de la selmana 22 del 2023
Y na más pa les noticies de la selmana 22 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención.
Fontes pa la información i semeyes: