Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 46 del 2023 (puedes atopar l’anterior equí)
Bruxelles 1893
Ficha:
- Xugadores: 2-5
- Duración: 45 – 120 min
- Edá: +14 años
- Editorial: Maldito Games
- Fecha: 16 de Payares
- Precio: 65€
- Ficha BGG
En Bruxelles 1893 vamos facer el papel d’unos ilustres arquiteutos de la época. Construyiremos magnifiques y obres d’arte pa decorales. Con ello consiguiremos que los nobles medren la nuesa influencia. Al caberu la partía, el xugador que mas influencia tenga (Puntos de Victoria) sedrá’l que gane.
Terra Nova
Ficha:
- Xugadores: 2-4
- Duración: 60-90 min
- Edá: +14 años
- Editorial: Maldito Games
- Fecha: 16 de Payares
- Precio: 35€
- Ficha BGG
Espansión pa Terra Mystica. Escoyeremos ente 10 faiciones diferentes, caúna con habilidaes dixebraes pa intentar ameyorala nel nuesu tableru. Tendremos que competir “amistosamente” col restu xugadores pa colonizar y espander el territoriu pa qu’al final de la partía sedamos los ganadores.
Sub Terra 2: Infiernos Edge
Ficha:
- Xugadores: 1-6
- Duración: 60 min
- Edá: +10 años
- Editorial: Nuts!
- Fecha: 17 de Payares
- Precio: 45€
- Ficha BGG
Secuela direuta de la primera edición, ye un xuegu de mesa de deducción cooperativu y de supervivencia. Sumerxiremonos na era de la esploración arqueolóxica, metiendonos en sofocantes cueves baxo tierra pa recuperar un artefautu misteriosu.
Marvel Champions: Deadpool
Ficha:
- Xugadores: 1-4
- Duración: 45-90 min
- Edá: +14 años
- Editorial: Fantasy Flight Games
- Fecha: 17 de Payares
- Precio: 22€
Nueva espansión d’héroe pa Marvel Champions. Ye’l turnu pa Deadpool, el simpáticu héroe del traxe roxu. La novedá ye que contien un nuevu aspeutu, el Masacrismo, que podemos xugar tamién con cualquier héroe. Como siempre, vien col so mazu prexeneráu y un nuevu conxuntu d’alcuentros protagonizaos pol propiu Deadpool!
Underwater Cities: Mini expansion
Ficha:
- Xugadores: 1-4
- Duración: 45-150 min
- Edaá +12 años
- Editorial: Arrakis Games
- Fecha: 17 de Payares
- Precio: 6€
Mini espansión oal xuego pol so 5º aniversariu d’espublización. Pequeña espansión de 12 cartes que se xuntar al xuegu base y a la espansión.
Orleans La Plaga
Ficha:
- Xugadores: 2-5
- Duración: 90 min
- Edá: +14 años
- Editorial: Arrakis Games
- Fecha: 17 de Payares
- Precio: 40€
- Ficha BGG
Nueva espansión pal clásicu Orleans, na que los habitantes de la ciudá veranse duramente golpiaos pola Plaga. Tercera espansión pal xuegu nel que tes que lidiar con nueves fiches (los cadaveres) amás de nueves mecániques y aiciones benéfiques aportando nuevos y temáticos desafios.
Boonlake: Artefactos
Ficha:
- Xugadores: 1-4
- Duración: 80-160 min
- Edá: +14 años
- Editorial: Arrakis Games
- Fecha: 17 de Payares
- Precio: 35€
- Ficha BGG
Espansión pa Boonlake qu’amplia el xuegu base con delles opciones, cambios nel tableru, nueves cartes pa dar variabilidá a les partíes y los artefautos que nomen a l’espansión que dan-y asimetria al xuegu base.
Rol
El Refugio de Rhyope
Vamos coles novedaes de rol, qu’amas esta selmana tenemos bayura. Entamamos con El Refugio de Rhyope, que nos trai dos nuevos suplementos. El primeru ye pal xuegu apeando las Catacumbas, y tratase de Mapeando las Catacumbas : Enemigo Final. Un nuevu suplementu en formatu tripticu qu’ufrez un desenllaz alternativu al del xuegu. Enfrentase a un enemigu final nes catacumbes. Nuevu material pa esti xuegu de rol en solitario. El preciu del suplementu ye de 8€ y la fecha de salida ye’l día 17.
La segunda de les novedaes ye pa Trueque, tratase de Folk Horror. Un nuevu suplementu p’ambientar les parties de trueque n’escenarios de terror rural, paganismu y paisaxes idílicos con secretos inconfesables onde pues usar tolos elementos del floklore autoutonu. Amás, contien 5 escenarios completos, un xenerador d’escenarios y un nuevu modo de xuegu cooperativu sin Horror (Direutor de xuegu) con una aventura esclusivamente pa dos xugadores. El preciu del suplementu ye de 16€ y la fecha de salida’l día 17.
HT Publishers
Vamos agora coles novedaes de HT Publishers, que tamién son unes cuantes. Entamamos cola Guía de Género : Superpoderes para Savage Worlds. Un suplementu p’ambientar les tos partíes nun mundu de super héroes como los de Marvel o DC. Nueves regles, opciones de personaxe y ambientación pa que puedas crear el mundiu a to midía. Como ye llóxico, necesitarás l’edición d’aventura de Savage Worlds. El preciu de venta ye de 30 € y la fecha ye’l día 17
Siguimos con Historias de la Guardia Condenada, un compendiu d’aventures pal suplementu anterior (polo que lu necesitaremos pa xugar) pol preciu de 20€. La fecha ye tamién el día 17.
Y pa finar, tenemos una nueva ambientación pa Savage Worlds. Tratase de Renacimiento Haguruma. Viaxaremos a Tora, un pais insular con tintes orientaes y Steampunk onde encarnes un samurai nun mundiu de fantasia y ciencia. El preciu ye de 25€ y la fecha tamién ye pal día 17
Nosolorol
Y para cerrar el capitulo de rol tenemos por parte de Nosolorol Escoria y Vileza. Un juego Forged in the dark en el que encarnaremos a una tripulación de una nave espacial que quiere llegar a fin de mes. Criminales, cazarecompensas… todo tiene cabida aquí en este universo de ciencia ficción que recuerda poderosamente a Star wars. El precio es de 40 y lsa salida también para el día 17.
Y pa zarrar el capitulu de rol tenemos por parte de Nosolorol Escoria y Vileza. Un xuegu Forged in the Dark nel qu’encarneremos una tripulación d’una nave espacial que quier llegar a fin de mes. Criminales, cazarecompenses… To tien cabida equi n’esti universu de ciencia ficción que te fai alcordate de Star Wars. El preciu ye de 40 € y la fecha de salida tamién pal día 17.
Que m’entra pol güeyu de les noticies/novedaes de xuegos de mesa / rol la selmana 46 de 2023
Vamos colo que m’entra pol güeyu d’esta selmana 46 na qu’hai munches novedaes. Voi escoyer al menos una de cada. En xuegos de mesa si que me cuesta un poco más decidime y por descarte voi dicir que me quedaría cola espansión de Deadpool pa Marvel Champions de Fantasy Flight Games. El restu de xuegos o nun coñuezo’l xuegu base o nun lu tengo pa poder opinar de les espansiones. Sicasi, Marvel Champions, anque fai tiempu que nun lu xuego, si me paez un xuegu perguapu.
Tocante a los xuegos de rol si que tengo delles opciones. Podia quedame con Escoria y Vileza de Nososolorol, nun coñuezo’l sistema pero la ambientación si me presta. Tamién cola Guía de Superpoderes o Renacimiento Haguruma de HT Publishers. De sobra ye sabio que los superhéroes m’afayen y Renacimiento Haguruma con esi toque amestáu ente oriental y Steampunk tien bona pinta. Y de El Refugio de Rhyope desconocía Mapeando Catacumbas, y a raiz del suplementu Enemigo Final pue ser que-y eche un güeyu. Paez interesante.
Finando les noticies de xuegos de mesa de la selmana 46 del 2023
Y na más pa les noticies de la selmana 46 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: