Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 8 del 2024 (puedes atopar l’anterior equí)
Dioses de Roma
Ficha:
- Xugadores: 1-4
- Duración:60 min
- Edá: +10 años
- Editorial: Maldito Games
- Fecha: 22 de Febreru
- Precio: 35 €
- Ficha BGG
Escueye el to dios y faición de l’antigua Roma, y embarcate esti xuegu competitivu de control d’arees. Consigui’l favor d’otros dioses y completa los 3 hitos que desencadenen el fin de partía. ¿Sedrás el dios que reine nel panteón romanu?
Ark Nova : Mundo Marino
Ficha:
- Xugadores: 1-4
- Duración:90-150 min
- Edá: +14 años
- Editorial: Maldito Games
- Fecha: 22 de Febreru
- Precio: 25 €
- Ficha BGG
Primera espansión p’Ark Nova, xuegu que trunfo fai un par d’años (y que sigue faciéndolo) Añadi animales marinos al to oo. Nueves cartes y conteníu qu’añaden un puntu d’asimetría qu’enriquez, tovía más, el xuegu.
Heat : Lluvia Torrencial
Ficha:
- Xugadores: 1-7
- Duración:45-60 min
- Edá: +10 años
- Editorial: Days of Wonder
- Fecha: 23 de Febreru
- Precio: 33 €
- Ficha BGG
Primera espansión pa Heat na qu’añadiremos dos nuevos circuitos, la posibilidá de xugar un xugador más, asina como nueves cartes de meyora p’afrontar los nevos circuitos lluviosos.
Love Letter: Bridgerton
Ficha:
- Xugadores: 2-6
- Duración:45-60 min
- Edá: +10 años
- Editorial: Z-Man Games
- Fecha: 23 de Febreru
- Precio: 15 €
- Ficha BGG
Nueva cersión del clásicu Love Letter (otra versión teneisla equí) pero nesti casu basá na serie ambientada na realeza inglesa del sieglu XVIII(?) Sofita a la reina a descubrir quien ye Lady Whistledown
7 Wonders Architects : Medals
Ficha:
- Xugadores: 2-7
- Duración:30 min
- Edá: +8 años
- Editorial: Repos Production
- Fecha: 23 de Febreru
- Precio: 21 €
- Ficha BGG
Espansión pa 7 Wonders Architects na que ganaremos medalles según vayamos consiguiendo llogros. Crea nueves estratexies pa llegar a ellos y usa, sabiamente, les nueves fiches de progresu pa llevar la to civilización al auxe.
Viaje a lo desconocido
Ficha:
- Xugadores: 1-4
- Duración: 75 min
- Edá: +14 años
- Editorial: Gen X Games
- Fecha: 23 de Febreru
- Precio: 20 €
- Ficha BGG
Un nuevu escape room con motor de cartes que te llanza nun viaxe nel que ties que dir faciendo puzzles y rompecabeces, poniendo a prueba l’inxeniu.
Rol
Vamos agora coles novedaes de rol, que nesti casu tenemos 3 de la mesma editorial. Son novedaes d’Outremer Ediciones, toes salen el día 23, y entamamos falando de Cursed, un xuegu de rol que va sofitar a los direutores de xuego pa dirixir les sos partides de terror, siempre que seyan humanos escontra horrores sobrenaturales. Un sistema completu que permiti al direutor adautalu a la necesidá. Amás, contien una llista de fechizos temáticos, monstruos, equipos… El preciu de venta ye de 5 €.
La siguiente novedá ye Runecairm, y ye un ampliu Bestiario. Más de 100 criatures pa incluyir nes partíes, amás de regles pa poder facer les tuyes propies. El preciu de venta ye de 19€.
y pa finar, tenemos Runecairn Wardensaga, intuyo que basáu nes mesmes regles deR unecairn pero con una ambientación basá nos xuegos Souls y temática nórdica que nos manda a tiempos post-Ragnarok. El preciu ye de 20 €.
Que m’entra pol güeyu de les noticies/novedaes de xuegos de mesa / rol la selmana 8 de 2024
Si vos digo la verdá, nun sabría qu’escoyer de les novedaes d’esta selmana 8. Nun hai na que me preste especialmente. Pero vamos con ello. En xuegos de mesa quedariame con Dioses de Roma de Maldito Games, el control d’árees pue tener una interaición prestosa. Nos xuegos de rol, quedariame con Cursed de Outremer Ediciones, nun soi munchu de xuegos de terror, pero por esi preciu picame la curiosidá ver el formatu y como plantega les regles.
Finando les noticies de xuegos de mesa de la selmana 8 del 2024
Y na más pa les noticies de la selmana 8 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: