Si siguís el blogue, sabréis que cuesta quedar pa xugar al rol (tamos trabayando n’ello) Asina que cuando se ve un xuegu de rol en solitariu, ye difícil dexalu pasar. Ye’l casu d’esti Nómada (n’asturianu) d’ El Refugio de Rhyope, que vos traigo l’opinión n’asturianu

Tenemos la costume a los xuegos de rol en formatu físicu de que vengan en llibrin, o llibrazu. Pues nun fai munchu, creo qu’amás saquelu nes novedaes de la selmana, salieron dos xuegos en formatu trípticu. Un d’ellos yera Breathless y l’otru esi Nómada, basáu nel anterior. Nun se de que va esactamente Breathless, pero Nómada ye un xuegu de supervivencia y esploración espacial. Vamos ver l’opinión n’asturianu.

Edición Física.

Lo primero que destaca del xuegu ye’l formatu. Como camenté enriba, tenemos costume a los llibros. Pos bono, esti xuegu ye un trípticu de cuatro fueyes (¿Cuadripticu? Sí, podéis vilipendiame XD) eso sí, peles dos cares y tamaño A5 diría. Y ya ta, eso ye’l xuegu. Un formatu mui novedosu que yo en particular nun viere hasta agora. Si que vien con una fueya de personaxe aparte. Amás, creo que pues escribir n’ella con un rotulador indeleble y llueu borralo. To seya dicho, y nun prebé.

La estructuración creo que ye l’adecua y aprovechando l’espaciu perfeutamente, viniendo l’esplicación de les regles, tables y no cabero tolo necesario. Hai que sumar que ye cenciello de siguir pese a tar to metíu nesti formatu tan piquiñu. Les regles tan clares y tol mundiu les pue siguir, tenga costume de lleer manuales de rol o non.

Ya pa zarrar esti capítulu, creo que tien semeyes correutes, si que nun son nengún alardes pero veoles agradables de ver. Como anécdota, si ponéis el manual y la fueya personaxe siguíes la semeya ye continua.

Sistema

Vamos describir un poco’l sistema de regles de Nómada (n’asturianu claro 😉 ) Como dixi, tamos ante un xuegu de superviviencia, esploración y documentación. Somos unos nómadas espaciales que l’humanidá mandó pa descubrir el nuevu planeta onde los seres humanos puean sobrevivir. Ya podéis imaxinar, solos na inmensidá del espaciu, col equipu pa l’esploración pero en sin contautu, acertáis si piensáis que ye un xuegu pa sufrir.

Voi camentar un poco per enriba la fueya de personaxe, na que tenemos 6 habilidaes cuyos valores van dende 1d4 a 1d10. De fechu la base ye 1d4 y llueu asignaremos 1d10, 1d8 y 1d6 a una habilidá. Hasta equí mas o menos conocío. ¿Que ye l nuevo? Ca vegada qu’usemos na habilidá baxaremos un nivel el dado, minimo 1d4. Esto fai-te piensar mui bono qu’habilidaes usar, cuando… Tenéis que piensar que pa sacar la prueba p’alantre hai que sacar un minimo de 3 o 4 y ya tenemos una consecuencia. N’un dadu de 4 sedría’l 50%. Agora veremos lo que conlleva fallar. Tamién tenemos determinación, que tiraríamos 1d12 pero solo lo podemos usar una vegada hasta que nos concentremos.

Pa finar la ficha tenemos contadores de recursu. Cuerpu, mente, equipo y nave disponen de 5 casielles que diremos marcando según vayamos perdiendo recursos…. Y creyeme que lo vais facer hahah Tamién tenemos una casiella de recursos, que sedrán los que vayamos atopando na esploración.

Desendolcu de la partida

Ya metiendose en fariña, el xuegu ye mui llinial. Va marcando to lo que ties que facer en ca momentu. Lliegues a un planeta, como te sientes, que ves nel planeta, como ye… To esto van dir guiandote mediante unes tables. Estes durante direutives, tu pondrás la descripción de la situación. Tu escribes l’aventura. Si ties dalguna entruga de como ye una aición o’l planeta, vas a los oráculos (otres tables) Ehí van dicite si tien riesgu o non. Si atopes daqué o non… De nuevu tu describes los resultaos. Esplorarás el planeta hasta que decidas marchar o los recursos se t’agoten, momentu nel que ties que decidir si abandonar o siguir n’otru planeta. ¿Como s’agoten los recursos? Normalmente con tiraes o concentrandose. Con 1-2 perdes dos recursos, con 3-4 unu, siempre buscando’l que seya acorde a la situación.

Pero colo que quiero que vos quedéis ye qu’el xuegu vos guia nos pasos, pero vosotros contareis la hestoria. Ye más, el xuegu pide que tengas daqué p’apuntar o que lo grabes en video. Y plantegome facer videos curtios, como si fora un videolog más que grabame na partía. ¿Prestariavos que los subiere? Yera más bien como resumenes de partía, pero pue ser interesante.

¡Ah! Escaciaseme, al abandonar un planeta tires pa ver cuantos recursos topaste. Estos son perimportantes pues empleguense pa desmarcar casielles de contadores de recursu y pues facelo en cualquier momentu, tomandote’l tiempu que llevaría reparalu claro. Esta secuencia de descubrir, esplorar buscar vas facela les veces que quieras pueas. Pero ties que tener en cuenta qu’el xuegu paez diseñáu pa que nun topes esi planeta.

Opinión

Siempre ye interesante ver coses orixinales, al menos pa ver qu’aporten nuevo a l’ecuación. Por supuestu que tolo nuevo nun tien porque ser bono, pero agradezse l’intentu. Con Nómada pasome un poco eso. Sabía qu’esisten xuegos de rol en solitariu, En las cenizas pue considerase, pero’l formatu que tien si que me apaeció totalmente novedosu ¿Paga la pena? Pa mi sí. Voi intentar esplicar por qué.

Un resumen rápidu del xuegu sedría qye ye un “Escueye tu propia Aventura” onde tu describes lo que pasa. El xuegu ponte en contestu, date paute de lo que pues dir atopando o descubriendo, pero siempre sedrás tu’l que lo describa y quien lo decida adornar de la manera que quieras, pudiendo montate una película de ciencia ficción en toa regla. Si qu’entiendo que la temática tien qu’afayate, al final si los viaxes y descubrimientos espaciales nun te presten el xuegu nun te va dicir na. Pero si te presten, ties hores de xuegu p’aburrir. Unos daos poliédricos, la fueya de personaxe y a xugar en cualquier llau.

Paezme especialmente interesante’l tema de les habilidaes y como van baxando la efectividá. Y como concentrandote pues tornar a recuperales, pagando un preciu claro. L’universu ye cruel. Reparar recursos, ver como da poco la nave o traxe va rompiendo, esi sentir d’angustia porque ves el final mui ceo y quies salir d’esa. Si nun xuegu de rol lo que prima ye’l viaxe, nesti creo que más que nunca. Merquelu un poco a ciegues, y hasta’l momentu creo que foi un aciertu.

¿Pegues?

Por poner una pega, y hablando desde el desconocimiento de cuanto vale el material, quizás es un poco caro para lo que físicamente tienes. El juego sale por unos 10€ (también es verdad que no vas a necesitar suplementos adicionales de ningún tipo) y por ese precio tienes suplementos de 50 páginas en el mercado. Como digo, a mi me compensa.

Por pone-y una pega, y falando dende’l desconocimientu de cuanto val el materia, quiciabes ye un poco caru pa lo que fisicamente trai. El xuegu sal por unos 10 € (tamién ye verdá que nun vas necesitar suplementos aicionales de nengún tipu) y por esi preciu ties suplementos de 50 páxines nel mercáu. Como digo, a mí compensame.

Y vosotros conocíais el xuegu? ¿Qué vos paez? ¿Sois de xugar al rol en solitariu? Dexamelo to en comentarios! Gracies por lleer!